Til Dóra Jó á jólum

Nú treðurðu mat í túlann þinn
tiltækan áttu matseðilinn
hangikjöt, svið og hákarlinn
hefur svo með því bitterinn,
laufabrauð, punga og Ljóma smjör
lifur, slátur og mikinn mör.
Svo þenurðu vömbina vinur minn
verst er að ekkisens vindurinn,
finnur sér leið sem fimur jór,
svo fretirnir háu úr þér Halldór
heyrast um okkar aumu storð,
yfir það á ég ekki orð.
Þú ættir að laxera sérhvert sinn,
sem gleypirðu matinn Dóri minn.
Í ábót reyndu samt reyktan lax,
rífðu svo miðann Halldór strax.