Gunnar í Mói 70 ára

Dagfarsprúður, duglegur
drengur margt vill kanna.
Skemmtilegur, skapgóður
skepnu vinur og manna.

Lifði sáttur við samtímann
sinnti flestum verkum.
Vinnuglaður jafnan vann,
vaninn skyldum sterkum.

Reglusamur, rólegur
reyndist lífs í þrautum.
Vonglaður og vinfastur
var á lífsins brautum.

Sviprík eru sjötíu ár,
sem hann veit og metur.
Gránuð eru gumans hár,
góðum dreng fer betur.

Gakk þú áfram Gunnar minn
grandvar lífsins veginn.
Settu markið síðast inn
í sælu hinu meginn.