Fyrir snilli huga og handa

Fyrir snilli huga og handa
heyrist milli fjarstu stranda.
orustukliður, hörpuhljómur,
hafsins niður, barnsins rómur.

Þótt bíði ég kyrr á blettinum
ég bregð mér til annara landa
og hinu megin á hnettinum
heyri ég flugu anda.

Leggðu við eyra litla þjóð,
London og Moskva talar.
Hitler þrumar af megin móð
og Mussolini galar.

Heyrir þú ekki hver á sök.
Himninum liggur við falli.
Harmageddon og ragnarök
ryðja goðum af stalli.