Af lækninum heyrði ég ljótan brag

Af lækninum heyrði ég ljótan brag.
Létti mér það sorgum.
Ef hægð fær hann ekki í dag
er hann dauður á morgun.

Dauðinn nær mitt hrífur hold
hels með kaldri mundu
firða ég bið að fergja ei mold
en fleygja því út á grundu.

Mér var gröfin lengi leið
líki ei grandi hún mínu.
Ekki hót ég hræðist deyð.
Hann er endir pínu.

Ef alfaðir í mig lét
ódauðleika fimni
allt eins risið upp ég get
undir berum himni.