Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Málskrúð í Eyjafirði

Fyrsta ljóðlína:Þá umfeðmings „sprungu upp“; grösin græn
Höfundur:Jón Thoroddsen
Bragarháttur:Átta línur (tvíliður) ferkvætt aBBaCCdd
(o)
(o)
(o)
(o)
(o)
(o)
(o)
(o)
Viðm.ártal:≈ 1850
Tímasetning:1840

Skýringar

„Þessi vísa, sem kölluð er Florilegium, er samkynja vísu Bjarna amtmanns Thorarensens í kvæðabók hans, bls. 197, og gjörð út af brúðkaupsvísum, sem ortar voru í brúðkaupi Odds Thorarensens, lyfsölumanns, er haldið var á Akureyri; þar var Bjarni Thorarensen viðstaddur og orti ekkert, en beiddi síðar Jón Thóroddsen að gá að brúðkaupsvísunum.“
(Jón Thoroddsen: Kvæði eftir Jón Thoroddsen (útg. Steingrímur Thorsteinsson, Jón Sigurðsson og Eiríkur Jónsson). Kaupmannahöfn 1871, bls. 261 - fyrir framan kvæðið, sem ætti líklega frekar að flokkast sem vísa)
Þá umfeðmings „sprungu upp“ grösin græn
úr Gróðrareyrar vatnabökkum,
þá var „lystugt“ hjá lýði rökkum,
þá „dalaði“ ekki veislan væn;
af vistum og öli ótæpt gladdir
„innboðnir“ létu „smella raddir“,
:|: „kransbúinn“ gladdi greppur þar
gesti og „eðla brúðarpar“. :|: