Önnur sama slags | BRAGI
Bragi, óðfræðivefur

Söfn

Íslenska
Íslenska

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn.

Innskráning ritstjóra

Önnur sama slags

Fyrsta ljóðlína:Brúðhjónin þessi blíð
Höfundur:Gunnar Pálsson
bls.347-348
Viðm.ártal:≈ 0

Önnur sama slags

1.
Brúðhjónin þessi blíð
blíð annist drottins náð.
Náðin frelsarans fríð
fríðust þeim leggi ráð.
Ráð, kraftur, hetja hraust
hraust veri þeirra alltíð,
tíðlegast hjartans traust,
traust bæði fyr og síð.
2.
Síðarst þá héðan heim
heiminum víkja frá,
fráskilst þú ekki þeim,
þeim sem allt gott kannt tjá,
tjáandi styrk og stoð,
stoðandi líf og sál,
sálnanna brúðkaups boð
boði þeim guðlegt mál.
3.
Málfærið þegar þver,
þverri ei gæskan hans.
Hann, sem oss vondu ver,
veri þeim hlífðarskans,
skans móti djöfli og deyð
deyðandi mótgang hvörn,
hvörnveg sem nálgast neyð,
neyð frelsi hann úr sín börn.