Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Ofdrykkju viðurstyggð

Fyrsta ljóðlína:Brennivín brjálar minni,
Viðm.ártal:≈ 1750

Skýringar

Kvæðið er hér birt eftir eftir fjórðu útgáfu Snótar 1945 en hafði áður birst í fyrstu útgáfu Snótar 1850 og í annarri útgáfu 1865.
1 Brennivín brjálar minni,
brennivín hvessir tennur,
brennivín brigslum annar,
brennivín losta kennir,
brennivín barkar munninn,
brennivín heilsu grennir,
brennivín bruggar flönnum
brennandi kvala spennu.

2 Brennivínsdrykkja bönnuð,
brýtur grið, heiftum flýtir,
skaðar vit, skerðir heiður,
skúfar dyggð, hræsni ljúfust,
ergir lán, eignum fargar,
ærir geð, losta nærir,
deyðir sál, djöfulinn gleður,
drottins réttindi spottar.

3 Augu manns öll aflagar,
eyrnanna deyfist heyrnin,
málið í munni þvælir,
meinar styrkleika beinum,
hokinn líkama hrekur
hnjótandi byltum ljótum,
útbíar allt ágæti
ölvaðra; fari hún bölvuð.