Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Bjuggu menn engan bautastein

Fyrsta ljóðlína:Bjuggu menn engan bautastein
Viðm.ártal:≈ 1950
Tímasetning:1946
Flokkur:Gamankvæði

Skýringar

Ljóð þetta mun ort á haustdögum 1946 en í október það ár stóð Sigurjón Pétursson á Álafossi fyrir því að flytja bein Jónasar Hallgrímssonar til landsins og síðan beint norður að Bakka í Öxnadal þar sem hann hugðist láta grafa beinin á heimaslóðum skáldsins. Ríkisstjórnin bannaði greftrun beinanna þar og lét síðan sækja kistuna norður og var hún grafin í þjóðargrafreitnum á Þingvöllum á afmælisdegi Jónasar, 16. nóvember. Mun ljóð Ólafs ort áður en beinin voru sótt norður. Ljóðið er ort undir sama hætti og ljóð Jóns Helgasonar, „Íslensku skáldin“ (Íslensku skáldin ástmey firrt) og er ljóslega eins konar skoplegt framhald þess.
Bjuggu menn engan bautastein
bragarins æðsta þjóni.
Hvorki ber lauf né heldur grein
haugurinn illa gróni.
Seinna menn fóru og sóttu hans bein
og sendu þau heim að Fróni.
Standa þau nú í stofu ein
stolin af Sigurjóni