Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Íslendingabragur

Fyrsta ljóðlína:Vaknið! vakið! verka til kveður
Heimild:Baldur
Viðm.ártal:≈ 1875
Tímasetning:1869

Skýringar

Íslendingabragur birtist fyrst í Baldri, 4. tölublaði, 19. mars 1870, og segir þar að hann sé „orktur sumarið 1869, þá er stjórnarbótarmáls-frumvörpin lágu fyrir alþingi“. Hrökklaðist Jón í framhaldi af því til Noregs vegna eftirmála þeirrar birtingar.
1.
Vakið! vakið! verka til kveður
váleg yður nú skelfinga tíð!
Vaknið ódeigum Ýmishug meður:
Ánauð búin er frjálsbornum lýð!
Þjóðin hin arma, hin hamingju-horfna
heillum og frelsi vill stela oss frá
og níðingsvaldi hyggst oss hrjá,
hyggur okkur til þrælkunar borna.
Án vopna viðnám enn
þó veitum, frjálsir menn!
og ristum Dönum naprast níð,
sem nokkur þekkir tíð.
2.
En þeir fólar, sem frelsi vort svíkja
og flýja í lið með níðingafans,
sem af útlendum upphefð sér sníkja,
eru svívirða og pest föðurlands!
Bölvi þeim ættjörð á deyjanda degi,
daprasta formæling ýli þeim strá,
en brimrót, fossar, fjöllin há
veiti frið stundar-langan þeim eigi!
Frjáls því að Íslands þjóð
hún þekkir heims um slóð
ei djöfullegra dáðlaust þing
en danskan Íslending!
3.
Lúta hljótum vér lægra í haldi,
lýtur gott mál, því ofbeldi er rammt!
En þótt lútum vér lyddanna valdi,
lútum aðeins nauðugir samt!
Frelsisins sjálfir ei flettum oss klæðum,
frjálsir vér samþykkjum aldregi rangt!
því víst oss hefnt þess verður strangt!
Von um uppreisn oss heitt brenni í æðum!
Það þussa þjóð er geymt,
sem þeygi oss er gleymt!
Því ristum Dönum naprast níð,
sem nokkur þekki tíð.