Ingimundur Bjarnason járnsmiður á Sauðárkróki, 70 ára

Viljans glóðir vegs á slóðum
veittu kjark að settu marki.
Þraut er ráðin, drengskaps dáðir
drýgðar í starfi, öld til þarfa.
Betra auði er oft í nauðum
andans bjarta ljós er skartar.
Sígur að hausti, sit þú hraustur
sjötíu ára lífs á bárum.

Að þér jafnan auðnan safni
ástargæðum lífs á svæði.
Gleðstu að kveldi, glæddu eldinn,
í geislum sjáðu unnar dáðir.
Sjötugt barn hjá eigin arni
á sér skjól þótt lækki sólin.
Gleðibjartir geislar skarti.
Góðar stundir, Ingimundur!