Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Einn herra eg best ætti

Fyrsta ljóðlína:Einn herra eg best ætti
Heimild:Sálmabók Guðbrands (1589) bls.cxxx–cxxxi
Bragarháttur:Átta línur (tvíliður) þríkvætt AbAbCdCd
(o)
(o)
(o)
(o)
(o)
(o)
(o)
(o)
Viðm.ártal:≈ 1575
Flokkur:Sálmar
1.
Einn herra eg best ætti,
er mínar syndir bar,
að prísa af mesta mætti
því mér svo góður var.
Hans blessað nafn vil eg bera
í brjósti og sleppa ei.
Sú hlíf mun hollust vera
hvört eg lifi eða dey.
2.
Lát mig nú, herra, læra
lofið að vanda þitt.
Þér hæfir heiður og æra
en hjartað kalt er mitt.
Send þú mér nú það sinni
eg syngi af hjartans grunn,
hvört eg er úti eða inni,
um öll þín verkin kunn.
3.
Minn Jesú morgunstjarna
og mætast balsam ert.
Þér vil eg þjóna gjarna
svo þú minn túlkur sért.
Gjör sálina, herra, hreina,
áður hún kemur fyrir dóm,
sem gullið og gimsteina
svo getur hún reiknast fróm.
4.
Samlíkur sólinni kláru,
sem yfir heiminn skín,
þínir geislar blíðir báru
burtu sorg og pín.
Á vald þitt vil eg mig gefa,
eg veit þú slökkur út
(þar sem eg ekki efa)
angur og alla sút.
5.
Allfagran englaskara
þú æ til þjónustu fær.
Þeir taka trúliga vara
hvað *skipar herrann kær.
Guð faðir þig sjálfur setti
við sína hægri hönd.
Þú ræður og stýrir rétti
og ríkir um öll lönd.
6.
Þó gjöri eg þín boð að brjóta
bæði með orð og verk
láttu mig náðar njóta,
nóg er þín höndin sterk.
Bindstu fyrir blessaðar undir
bræði og reiði þín.
Afmá þú allar syndir,
mig angrar vonskan mín.
7.
Í syndinni mín móðir
mig gat og það er víst
í sáru syndaflóði
síðan hef eg vafist.
Því stend eg vesæll í voða
nema veiti Jesús lið
og sjálfur sendi að boða
samviskunni frið.
8.
Því flý eg til þinna náða
þú kannt vinna bót.
Annað er ei til ráða,
eg bið af hjartans rót
við blessuð orð þín eg blífi
bæði til sjós og lands
æ meðan eg er í lífi
svo aldrei verði á stans.
9.
Svo lengi sem eg hjari
í sorg og eymdardal
í ótta Guðs framfari
og fýsist ei meir en skal,
þinn andi endurnýi
allt mitt hjarta og sinn,
svo ljóta eg löstu flýi
legg til styrkinn þinn.
10.
Ó heilagi lífsins herra
heyr nú hvörs eg bað.
Þín æra ei skal þverra,
af hjarta eg girnist það
að fari eg ei fyrr að sofa
en frelstur af allri neyð,
minn lausnara megi eg lofa,
mig leysti frá andar deyð.


Athugagreinar

Amen.