Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Gísli Ólafsson

Fyrsta ljóðlína:Hann sem er á og ó
Bragarháttur:Átta línur (tvíliður) þríkvætt ababcdcd
(o)
(o)
(o)
(o)
(o)
(o)
(o)
(o)
Viðm.ártal:≈ 1800

Skýringar

Fyrir neðan fyrirsögn stendur:
„Prestur. Minningarljóð þessi eru tekin eptir einu handriti.
Lag: upp hef eg augun mín.“
1.
Hann sem er á og ó,
upphaf og fylling sterk,
og sérhvert, sem tilbjó,
sitt geymir handaverk;
hann dyggðar verð sem veit,
vottar, að það sem hér
felst dáið duft í reit
dýrmætt sé fyrir sér.
2.
Guði vígt Gísla hold
geymist Ólafssonar,
húss þess í helgri mold
hvert fyrir settur var;
hann kenndi lífsins leið,
lifandi, trúr í raun,
upp sker því eftir deyð
eilífðar bestu laun.
3.
Síðarmeir sína hjörð,
sem yfir vakti hér
æskufrjór ofar jörð,
aftur fagnandi sér;
dyggð skein á hærum hans
háaldraður því dó;
eilífan ærukrans
enn lengurber hann þó.
4.
Jörð þenna grætur gest,
Gísla sinn himin tók,
nafn hans hið nýja sést
nú skráð á lífsins bók;
hér yfir guðs-manns gröf
grær heiður, þökk og ást,
og veglig vonar-gjöf;
vér munum aftur sjást.