Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Karlinn væni

Fyrsta ljóðlína:Um karl einn vil eg hefja hróður
Þýðandi:Jón Þorláksson
Bragarháttur:Fjórar línur (tvíliður+) ferkvætt:AbAb
(o)
(o)
(o)
(o)
Viðm.ártal:≈ 1800

Skýringar

Fyrirsögn og skýringar með henni:
„Karlinn væni
snúið úr Gellerts kvæðum (Der Greis í Fabeln und erzählungen 1765. I, bls. 7). Útlegging Séra Þorsteins Sveinbjarnarsonar á Hesti er prentuð í Vinagleði bls. 25; hér er fylgt eiginhandar riti Séra Jóns, samanbornu við tvö önnur handrit.“
1.
Um karl einn vil eg hefja hróður,
heim er níræðum augum sá,
og lukkist mér nú ei minn óður
um eilífð það ei verða má.
2.
Um karl einn vil eg lofdikt laga
og lýsa því hann kraftað fékk,
hvað mér birt hefir sérhver saga
sem eg las um hinn gamla rekk.
3.
Kveðið þér skáld með eld í anda
á yður frægð um vín og lofn!
lofn og vín yður eg læt til handa,
lofkvæðis míns er karlinn stofn.
4.
Eilífa gjörið yður með söngum
um þá sem vernda land og þjóð!
af kappa-verkum kveð eg öngum,
um karlinn mín séu gjörvöll ljóð.
5.
Þrengst í aldir, þær eftir líða,
öll frægð, sem þessi karl sér bjó!
heyrið það, eyru hverra tíða! –
hann fæddist, lifði, kvæntist, dó.