Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Ein andleg vísa um dómsdag og upprisuna

Fyrsta ljóðlína:Himnaríki nú er oss nær
Höfundur:Nikulás Hermann
Heimild:Sálmabók Guðbrands (1589) bls.ccxxxij-v–ccxxxiij-v
Bragarháttur:Hymnalag
(o)
(o)
(o)
(o)
Viðm.ártal:≈ 1575
Flokkur:Sálmar

Skýringar

Fyrirsögn:
Ein andleg vísa um dómsdag og upprisuna.
Má syngja svo sem: Minn herra Jesús, maður og önd.
1.
Himnaríki nú er oss nær,
allir kristnir því fögnum vær.
Óttast skulum á öngvan hátt,
enn þó dómsdagur sé við gátt.

2.
Herrann ei lengur hlífist við
helgum sínum að veita lið.
Guðlausir ofmjög geisast fram,
gengst við daglega synd og skamm.

3.
Á jörðu gjörist engin trú,
allar skepnur hart stynja nú.
Mjög oft sólar birta brást,
býsn og undur á himnum sjást.

4.
Jörð oft skelfur og hristist hart,
hræðilegana er því vart.
Flestir víða og finna það,
friðlítið er í hvörjum stað.

5.
Voðaliga vindar um loft
veltast og blása fast og oft,
öllu formandi fall og brot.
Fjærri mun eigi heimsins þrot.

6.
Ógnarlegar á allan hátt
óskepnur fæðast víða þrátt
af mönnum og af allskyns fé.
Ætlum því skammt til dómsdags sé.

7.
Allar menntir nú blómgast best,
biðja hljóta því hungrar mest.
Gull og metnaður gabbar þær,
Guðs orð lastar nú hvör og hlær.

8.
Með lærðum kíf af kappi rís,
kristnin ei verður af því vís.
Hreinum lærdómi ei lýsa þeir,
lof og vegsmuni girnast meir.

9.
Rétt læst nú hafa hvör og einn,
herra þykist en ekki sveinn.
Enginn vill vera undirmann
eða nú nokkrum heiðurs ann.

10.
Kristur til dómsins kemur víst,
kann svo heimur að standa síst.
Annars mun honum öngva trú
á jörðu leyfa biðlund sú.

11.
Krists menn, hafið nú káta lund,
kemur snart yðar lausnarstund.
Efsti dómur ei undan dregst,
ekkert af þessum teiknum bregst.

12.
Burt fer með Kristi brúður sú,
batt í skírninni við hann trú.
Hvörja með dauða hefur frelst,
hans eilíf erfð og ríki telst.

13.
Um loft og jörð fer lúðurhljóð,
lifnar jafnskjótt öll heimsins þjóð.
Upprisu hamlar ekki neitt,
án dvalar koma þeir í eitt.

14.
Þá er komin sú sæla tíð,
son Guðs vill allan kristinn lýð
til sín hefja í tignar sal.
Tala Guðs barna fyllast skal.

15.
Ástlaus er nú og orðin köld,
afgömul, þrotin öll veröld,
örvasa og í öngvu hraust,
að enda komin efalaust.

16.
Þíns lúðurshljóð og hingaðför
hugsum jafnan að vitji vor.
Guðs son, kom nú og gjör ei dvöl,
gef þínum lausn frá eymd og kvöl!

17.
Og leið í hvíld og himnafrið,
hvörn fyrst hefur oss tilbúið,
að föðurs ríki erfum vér,
englum heilögum samlíker.

18.
Veit oss þó för þín verði skjót,
vökum og göngum þér í mót.
Berum logandi lampa með,
látum ei vanta viðsmjöreð.

19.
Að réttir þjónar reyndumst þér,
ríkir í trú og ást sem ber.
Biðlundar góðir búumst hér,
brúðkaupsgestir svo verðum vér.

20.
Þinn faðir bjó það brúðkaup þér,
brúður þín heilög Kristni er.
Þá endast kvíði, kvöl og sótt,
Kristur, hjálpa oss til þín fljótt.


Athugagreinar

Amen.