Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Einn lofsöngur af verkum heilagrar þrenningar *

Fyrsta ljóðlína:Ó, Guð sannur í einingu
Höfundur:Michael Weiße
Heimild:Sálmabók Guðbrands (1589) bls.lxiij
Bragarháttur:Hymnalag
(o)
(o)
(o)
(o)
Viðm.ártal:≈ 1575
Flokkur:Sálmar

Skýringar

Aftan við fyrirsögn stendur: Með sama lag. [þ.e. sama lag og við sálminn, Ó, lux beata, en við hann eru nótur].
1.
Ó, Guð, sannur í einingu
og eilífur í þrenningu.
Hásæti þitt er himnadýrð,
heiður þinn lætur sjást á jörð.
2.
Góðan og hreinan gjörðir mann,
með gáfum þínum prýddir hann.
Þína sjálfsmynd hefur þú honum veitt,
halda átti þitt borðorðið eitt.
Þá yfir Adam og allt hans kyn
afbrotanda kom bölvanin.
Son þinn, Guð faðir, þú sendir heim,
svo hann leysti oss af voða þeim.
Þá sitt embætti endaði
og í dýrð þína aftur sté,
bað hann að sendir anda þinn
að hugga og styrkja lýðinn sinn.
Gjarnan þú veittir það Guðs son bað,
gáfa ((þá)) þörfust var mönnum það.
Útvalda þína vel til bjóst,
veg til fagnaðar sýndir ljóst.
Af miskunn, náð og mildi nú
mannkyni blessan býður þú.
Herra Jesús, því himnum af
heilagan anda trúuðum gaf.
Þau vorrar lausnar verkin stærst
vegsama þig, ó, þrenning hæst.
Í persónum þú sannast svo,
sjálf guðleg vera ein er þó.
Sál hefur gáfur þessar þrjár,
því er hún kölluð mynd þín klár.
Mannvit, vilja og minni frekt,
með þessu fær hún þig allvel þekkt.
Sólin þrjú gæði gefur heim,
gleður alla með verkum þeim.
Lýsir, vermir og veitir mátt,
vel þýðandi þinn eiginn hátt.
Almáttug þrenning, eilíft ljós,
upplýs þú myrkrið allt í oss.
Verm vora sál og send þinn styrk,
svo vel geymum þín orð og verk.
Af þínum stól oss upplýs þú
og verm þú oss í þíns sonar trú.
Styrk oss ((með)) heilags anda náð,
elska þín blessi svo allt vort ráð.
Þig, Guð faðir, sem gafst oss Krist,
græðara, sem oss hefur leyst,
helgi andi, sem huggun fær,
heiðrum, lofum og dýrkum vær.