Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Jesú, í fátækt fæddist þú

Fyrsta ljóðlína:Jesú, í fátækt fæddist þú
Bragarháttur:Hymnalag
(o)
(o)
(o)
(o)
Viðm.ártal:≈ 1575
Flokkur:Sálmar

Skýringar

„Sálmurinn er frumkveðinn af Michael Weisse (f. um 1488 – d. 1534), „O Jesu, der du uns zu gut“. Hann var endurprentaður í sálmabókunum 1619, bl. 24; 1671, bl. 17–18 og í JÁ 1742, bls. 38–39; sb 1746, bls. 38–39 og 1751, bls. 38–39. Einnig í grallara 1607 (í viðauka, á hreinsunardag Maríu). (Sjá PEÓl: Upptök, bls. 83)
Jesú, í fátækt fæddist þú
Á hreinsunarhátíð Maríu.
Sálmur með tón: Ofan af himnum etct.
1.
Jesú, í fátækt fæddist þú,
frelsaði oss þín mildi sú.
Lítil mjólk hefur líf þitt nært,
lagður í hey og stallinn vart.
2.
Sex vikum þinni fæðing frá,
færður vartu í kirkju þá.
Frómum Símeon fenginn var,
í faðmi sínum þá barnið bar.
3.
Hvers mjög lengi af hjarta bað,
honum nú veitti Drottinn það.
Hann lofaði þá lausnarann,
að lifa náði tíma þann.
4.
Anna spákona, ekkja fróm,
á sömu stundu þangað kom.
Um þann svein öllum sagði vel
sem væntu lausnar í Ísrael.
5.
Kristí á jörðu veit oss vörn,
verða lát oss þín andleg börn,
so fræði oss þinn andi hér,
að af hjarta til þín snúunst vér.
6.
Lát þú oss stjórna lærdóm þinn,
leið oss í þína kirkju inn,
hvar alleina menn þóknist þér,
þökk, lof og heiður sunginn er.
7.
Allt sem í trúnni er þar beitt,
af miskunn þinni verður veitt.
Hver þar inn kemur, sæll er sá
og söfnuð þeim ei hverfur frá.
8.
Helgasti Jesú, hjálp oss nú,
holdi voru því skrýddist þú.
Í nafni þínu öll kristnin,
eilífa þá fái lausn. Amen.