Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Auglýsing

Fyrsta ljóðlína:Kunnugt gjörist: til kaups fæst hér
Bragarháttur:Sex línur (tvíliður) fer- og þríkvætt aaBccB
(o)
(o)
(o)
(o)
(o)
(o)
Viðm.ártal:≈ 1875
Tímasetning:1883
Flokkur:Gamankvæði

Skýringar

Undir titli stendur:
(Undir nafni Einars prentara Þórðarsonar, sem
verzlaði með ætt og óætt, nýtt og gamalt, og
auglýsti alt í einni bendu).
1.
Kunnugt gjörist: til kaups fæst hér
Kvöldvökur, Balslevs tossakver,
Hersleb og hákarl stækur.
Galdrakver fást hér, Grallarar,
Grasakverið hans Béusar,
súrt smjör og Sálmabækur.
2.
Kýrrassa-bók og kaffi-rót
kofna-fiður og nýja Snót,
jafnvel Jóhönnu-raunir,
Hugvekjusálmar, hangiket,
húspostillur ég „skaffað“ get,
bræðing og enskar baunir.
3.
Skónálar, Bröndums brennivín,
Barnagull ný og Vídalín,
Píslarþankar og púður,
Kjöngsplástur, Brama, romm og rjól,
rokkar, náttpottar, smíðatól,
guðspjöll og glugga-rúður.
4.
Á gleraugum brotnum gef ég krít,
Grammatík eftir Halldór . . . . ,
hjólbörur hef ég stundum,
hrátjöru, pappír, hellu’ í þak,
Hugvekjur biskups, snústóbak,
og gamalt guðsorð í pundum.
5.
Hirðir og fleiri Halldórs verk,
Hreinlætis-pésann, reipi sterk,
sjómönnum sel ég mötu.
Ásborgar-játning, einirber,
Úlfars-rímur og Þorlákskver,
Sigurljóð, salta skötu.
6.
Sniðgylltan Mynster, magála,
messuvín, herta þorskhausa,
olíu’ og margt hvað meira,
Benedikts-sálma’ og kæfu’ í kút,
– Kristileg smárit gengin út,
og svo er um sitthvað fleira.