Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Eftirmæli

Fyrsta ljóðlína:Það andar oft kalt um vorn ilmbjarka skóg
Viðm.ártal:≈ 1925
Flokkur:Eftirmæli

Skýringar

Ofan við kvæðið er þessi tilvitnun innan gæsalappa:
„Strjáll er enn vor stóri gróður.
stendur hann engum fyrir sól“.
1.
Það andar oft kalt um vorn ilmbjarta skóg.
Hann ymur í stormi og kiknar í snjó
en litkast og laufgast hvert vor.
Og limríkir stofnar sér lyfta úr fold
með langdrægar rætur í fortíðar mold
og ættbálksins örlagaspor.
2.
Sástu erlenda hlyninn í íslenskri mörk?
Hann óx þar við hliðina á reyni og björk
en þráði víst suðrænni sól.
Og næðingar blésu úr ýmissi átt
og innlenda birkið var strjált og lágt.
Í landnorðankasti hann kól.
3.
Er aldanna blær fer um skáldanna skóg
þá skýrist það fyrst hvað í mörkinni bjó
af dýrmætum hugblæs og hreims.
Þá andar ei svalt um þann einstæða hlyn
sem auðgaði og fegraði bjarkanna dyn
með söngtöfrum suðrænni heims.