Heyrnardeyfan hamlar mér

Auðunn Bragi segir: Séra Gunnar Árnason á Æsustöðum, sóknarprestur okkar, var góður kunningi föður míns. Kom hann í húsvitjun á hverjum vetri til okkar og á aðra bæi (Laxár)dalsins í hans prestakalli. Hafði hann með sér fylgdarmann og var vel hestaður. Þótti okkur ærinn viðburður að fá klerk í heimsókn og fagnaðarauki um leið. Það var tignarlegt að sjá prest og fylgdarmann koma sunnan hjarnið á dalnum,skeiðríðandi og fara mikinn. Eftir að prestur hafði heilsað fólki, las hann nokkur vel valin ritningarorð og lagði síðan út af þeim. Var   MEIRA ↲

Auðunn Bragi segir: Séra Gunnar Árnason á Æsustöðum, sóknarprestur okkar, var góður kunningi föður míns. Kom hann í húsvitjun á hverjum vetri til okkar og á aðra bæi (Laxár)dalsins í hans prestakalli. Hafði hann með sér fylgdarmann og var vel hestaður. Þótti okkur ærinn viðburður að fá klerk í heimsókn og fagnaðarauki um leið. Það var tignarlegt að sjá prest og fylgdarmann koma sunnan hjarnið á dalnum,skeiðríðandi og fara mikinn. Eftir að prestur hafði heilsað fólki, las hann nokkur vel valin ritningarorð og lagði síðan út af þeim. Var þetta öllum, sem á hlýddu, mikil ánægja, en faðir minn sem var mjög bagaður á heyrn, fór fram í bæ þegar prestur hóf lestur sinn. Séra Gunnar kallaði á eftir föður mínum: – Sveinn, Sveinn, hvers vegna ferðu út.
   Heyrði hann hvað prestur kallaði og svaraði með vísu.   ↑ MINNA