Samtíðarmenn

Friðrik Hansen

Friðrik leikur létt við taum
á ljóðafáki sínum.
Elskar stúlkur, gleði og glaum
gullnum lyftir vínum.

Bergur Arinbjarnar

Bergur, hann er besti maður
ber sitt höfuð yfir skríl
sanngjarn mjög og sinnisglaður
sá hefur prófað mig á bíl.

Pálmi Sveinsson

Halur hver er hýreygur
hlátra meður sköllum
því pela hampar píreygur
Pálmi á Reykjavöllum.

Ottó Þorvaldsson

Ottó kætir okkar geð
afar gætinn drengur.
Heimasætum hýrum með
hann um stræti gengur.

Stefán frá Írafelli

Stefán Írafelli frá
fljótur gírum skiptir.
Heldur skýr er halur sá
hófadýri sviptir.

Jón Friðbjörnsson

Afbragðsmaður er hann Jón
akta talinn smiður
verkahraður fer um frón
Friðbjörns glaður niður.