Ljóð flutt við vígslu Hólalax hf. og Hitaveitu Hjaltadals

Fylgja ofurmennum maurar
mannlíf dofið vaknar senn.
Vœrt þótt sofi gamlir gaurar
Gísli á Hofi vakir enn.

Hér mun breyta högum manna
hitaveita og laxaklak.
Vitna um sveitar viðreisn sanna
víst má heita Grettistak.

Hugsjón yljar, vœnkast veika
vonin skiljanlega fljótt
þegar milljón laxar leika
listir í hyljum dag og nótt.

Sveitar minnar hœkkar hagur
Hólar minna á forna tíð
heitt er mynnast hængur fagur
og hrygna innilega blíð.

Bleikjur una léttum leikjum
laxar bruna um streng og foss.
Feyki-bunan Billu á Reykjum
bestan unað veitir oss.

Velsœld okkur vel mun signa
og veita þokkalegan kvið
meðan nokkur hrygnir hrygna
og hænginn lokkar upp á rið.

Hólalax vér hyllum allir
hefjum strax upp gleðisöng.
Réttið axlir ýtar snjallir
- á mun saxast veisluföng.

Heppnist klak með láni ljúfu
létti stakan vora sál.
Menn frá Akri og Mánaþúfu
með oss taki vígsluskál.