Söfn

Íslenska
Nynorsk
Esperanto

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur (cookies) eru aðeins notaðar til þess að halda utan um innskráningar þeirra sem annast efnisstjórn.

Flokkar

Allt  (725)
Ástarljóð  (8)
Biblíuljóð  (3)
Eftirmæli  (11)
Gamankvæði  (12)
Háðkvæði  (5)
Heilræði  (1)
Hindisvík  (2)
Húnaþing  (7)
Húnvetningar  (6)
Jóðmæli  (1)
Jólaljóð  (2)
Kappakvæði  (1)
Lífsspeki  (2)
Ljóðabréf  (6)
Náttúruljóð  (47)
Rímur  (1)
Sagnakvæði  (1)
Sálmar  (2)
Skáldsþankar  (30)
Strandir  (2)
Söguljóð  (10)
Tíðavísur  (1)
Tregaljóð  (2)
Þululjóð  (1)
Ævikvæði  (2)

Hákon í Húsum

Fyrsta ljóðlína:Einn er karl á Austurlandi
Viðm.ártal:≈ 2000
1.
Einn er karl á Austurlandi
alræmdur er þessi fjandi
frá Hólsfjöllum að Héraðssandi
hann ég yrki fús um
Hákon í Húsum.
Ef að skyldi um það fjallað
allt sem kauði hefur brallað
hundrað ár mér entust varla að
yrkja verðugt blús um
Hákon í Húsum.
2.
Vaskur eitt sinn vann í tolli
voðalegum skrekk þar olli
bófa fyllti hræðsluhrolli
svo helst þeir líktust músum
Hákon í Húsum.
Löggæslu þá líka vann að
loks því hætti er hann fann að
hér er allt það besta bannað
oss breyskum jarðarlúsum
Hákon í Húsum.
3.
Með Svíakóng í svitabaði
svipaðist eftir hreindýrstaði
upp í Snæfell ók með hraði
eftir moldargrúsum
Hákon í Húsum.
Seinna kóngsi sagði öllum
að svaðilfarir uppi á fjöllum
farið hefðu í fylgd með tröllum
frásögnin er plús um
Hákon í Húsum.
4.
Hrunadansinn tróð í teitum
töfraði fljóð í öllum sveitum
og sér gjörði aldrei neita um
afmorsbrall með spúsum
Hákon í Húsum.
Öls við borð var aldrei hræddur
ei var hinn mjói vegur þræddur
nú er hann orðinn endurfæddur
alkóhóls frá krúsum
Hákon í Húsum.
5.
En í stað þess alla daga
ofan í sinn hvolfir maga
öli Suttungs ei til baga
sem aldrei fæst í brúsum
Hákon í Húsum.
Óðarperlur ort hann getur
ertni og grín þó hærra metur
skemmtir okkur víða um vetur
við er saman djúsum
Hákon í Húsum.
6.
Loks í sveitafaðminn flúði
fastnaði sér kot og brúði
fuglar meður fjaðraskrúði
flögra nú í rús um
Hákon í Húsum.
Í Fljótsdalnum hann býr með birki.
Brag í kvenna nafni eg yrki:
Við óskum þess hann auðnan styrki
með ástarþökk við knúsum
Hákon í Húsum.