SöfnÍslenskaÍslenska |
Flokkar
Allt (334)
Afmæliskvæði (25)
Ástarljóð (4)
Baráttukvæði (1)
Bæjavísur (6)
Bænir og vers (5)
Daglegt amstur (21)
Eftirmæli (2)
Ellikvæði (2)
Formannavísur (4)
Gamankvæði (24)
Hátíðaljóð (6)
Heilræði (5)
Heimsádeilur (2)
Helgikvæði (1)
Hyllingarkvæði (29)
Jólaljóð (20)
Lífsspeki (14)
Ljóðabréf (10)
Náttúruljóð (49)
Sagnakvæði (1)
Sálmar (1)
Skáldsþankar (55)
Særingar (1)
Tíðavísur (17)
Tregaljóð (8)
Vögguljóð (1)
Þululjóð (6)
Ættjarðarkvæði (9)
Ævikvæði (1)
Viðm.ártal:≈ 1975
Flokkur:Tregaljóð
Sé ég nú fannskreyttu fjöllin þín,
fallega æskusveitin mín. Blessuð sé byggðin kæra. Minn hugur oft yfir fjöllin fer á fornum slóðum að ylja sér og þar öllu þakkir að færa. Hlýtt mig kalla oft heim til sín, himnesku sólbjörtu kvöldin þín, ég hugsa oft hljóð um þær myndir. Um hlíð með lynggróna laut og hól, leiftrandi skinið við norðurpól og bergvatnsins blátæru lindir. Þar fetaði ég mín fyrstu spor, þá fegurst mér brosti lífsins vor, létt var og ljúft að dreyma. En foreldrar studdu mig sérhvert sinn ef sáu þeir ógreiðan veginn minn. - Já, best var og bjartast heima. Hvar eigum við fegurri friðarstund og fagnaðarríkari endurfund er landið allt ljóma vefur. Þökk sé þér, alvalds og almættis ráð, sem okkur miðlar, af kærleik og náð, öllu sem gleðina gefur. |