SöfnÍslenskaÍslenska |
Flokkar
Allt (113)
SamgangurFyrsta ljóðlína:Kapla ráku konur tvær
Höfundur:Gísli Halldórsson, Króki
Heimild:Handrit höfundar.. Viðm.ártal:≈ 1970–2000
Tímasetning:1985
Kapla ráku konur tvær
kræfar eftir Þjórsárbökkum. Þakti ána ísinn glær, yfir landi hjarn og snær. Kuldinn bíta tók í tær, tætti fjúk úr skýjaklökkum. Kapla ráku konur tvær kræfar eftir Þjórsárbökkum Hinu megin maður fór, -manninn konur báðar sáu, herðabreiður, miðjumjór, mátulega niðurstór. Ráku þær upp kall í kór, kapphlaup varð á svelli bláu. Hinu megin maður fór, -manninn konur báðar sáu. Ekki var hjá vökum sneitt, var í sigti tjörgulundur, og frá stefnu ekki breytt, eins og væri kólfum þeytt. Svo varð þeim í hamsi heitt að harðir skaflar runnu sundur. Ekki var hjá vökum sneitt, var í sigti tjörgulundur. Maður þessi strax í stað staðar nam því hita kenndi Fara um sitt fíkjublað. Frómur sagði mér og kvað: ,,Það var eins og þegar að Þráni Héðinn forðum renndi.“ Maður þessi strax í stað staðar nam því hita kenndi. Hefur síðan þar og þá Þjórsá runnið langtum glaðar. Þessi gamla góða á greina mun samt engu frá. Hlátur byrgja bakkans strá Bæld og troðin einhversstaðar. Hefur síðan þar og þá Þjórsá runnið langtum glaðar. |