SöfnÍslenskaÍslenska |
Flokkar
Allt (113)
Vor í FöxumFyrsta ljóðlína:Er fór ég um í Föxum
Höfundur:Guðmundur Stefánsson, Hraungerði
Heimild:Handrit höfundar.. Viðm.ártal:≈ 0
Tímasetning:2005
Er fór ég um í Föxum
var farinn vetrarís. Með vorsins lífi vöxum, þá vaknar allt og rís. Við vanga gældi gola og glampi sólu frá. Ég sá þar frískan fola og fagra hryssu hjá. Í minni fékk ég festan þar fuglahljóm og tón. Við Vélaskurð að vestan þar voru andahjón. Á hreiðr’ hún lá í laumi við lautina á svig, en steggur var á straumi og styggðist lítt við mig. Og iðnir gættu eggja þar aðrir fuglar hjá og hrossagaukinn hneggja ég heyrð’ í lofti þá. Ég fögnuð fanga kunni því flest á iði var og nært af náttúrunni að nýju spratt upp þar. Athugagreinar
Lag: Schubert:
Silungurinn.
|