SöfnÍslenskaÍslenska |
Flokkar
Allt (113)
SláttulokFyrsta ljóðlína:Búin er nú brýnan drýgsta og breiði skárinn
Viðm.ártal:≈ 1945–1951
Tímasetning:1950
Búin er nú
brýnan drýgsta og breiði skárinn
Þau eru að baki bestu árin bilað orfið, ég og ljárinn. Held ég bráðum hinsta sinni heim frá slætti Skyldi því frestað ef ég ætti eftir þrek sem duga mætti. Aldrei hreif mig eins og nú, þinn yndisbragur, brosmildur og brúnafagur bjarti langi sumardagur. Fjallshlíðarnar fagurgrónu finnst mér hækka Öll sú prýði í augum stækka eftir því sem dagar fækka. Enn skal njóta yndis þess og engu kvíða Aftanskin er upp til hlíða einstök kyrrð og veðurblíða. Æskudalur, engjalönd, ó, endurminning eftir svona kæra kynning kem ég heim með dýran vinning. Þessa jörð sem átti, yrkti og unni maður framtíðinni fel ég glaður fyrir mér er hún helgur staður. Blómgist hún og blessist hún og barna sinna gæti hún allra eins og minna auðnist þeim að duga og vinna. Kýs ég nú, fyrst komið er að kararævi allra helst að guð mér gæfi góðan blund við þreytts manns hæfi. Seinna þegar sigið hefur svefn á brána verð ég komin yfir ána Eilífð vek mér ferðaþrána. |