Rekstrarljóð

Skólans úr skjóli
skyndilega er búist
hamingjuhjólið
hefur þannig snúist
Kapp er keyrði úr hófi
kvað upp sleggjudóma
alveg einróma.

Herrarnir háu
heyri hvað ég segi
Mein mörgu þeir sáu
en meinabætur eigi
Úrræði því urðu
ein við drengjabrekum
Rekum þá, rekum.

Brottreknu bræður
brautir gerast hálar
geymast þó glæður
gneisti hverrar sálar
Nú sem fyrr skal neyðin
nöktum kenna að spinna
-vér munum vinna.