Einar Sómi

Hluti skýringa við vísuna er skráður á baksíðu 126 blaðs (bl. 126v).

Í Lbs 174 4to, bl. 127r–126v segir Jón Halldórsson svo frá Einari sóma í Prestasögum sínum og ritar vísu Hallgríms um hannundir fyrirsögninni „Vísa Sr. Hallgríms P.s.“  á spássíu á bl. 127r, við hlið frásagnarinnar:

Séra Einar Egilsson, auknefndur Sómi, söngmaður mikill hélt Ólafsvelli nokkur ár eftir séra Jón Pálsson, féll í hórdóm, missti bæði kall og kjól. Anno 1635, dags 8. maii á Húsatóftamanntalsþingi, klagaði fyrir lögmanninum, Árna Oddssyne, Guðrún nokkur Sæmundard[óttir] að séra Einar og Aldís kona hans hefðu blandað   MEIRA ↲

Í Lbs 174 4to, bl. 127r–126v segir Jón Halldórsson svo frá Einari sóma í Prestasögum sínum og ritar vísu Hallgríms um hannundir fyrirsögninni „Vísa Sr. Hallgríms P.s.“  á spássíu á bl. 127r, við hlið frásagnarinnar:

Séra Einar Egilsson, auknefndur Sómi, söngmaður mikill hélt Ólafsvelli nokkur ár eftir séra Jón Pálsson, féll í hórdóm, missti bæði kall og kjól. Anno 1635, dags 8. maii á Húsatóftamanntalsþingi, klagaði fyrir lögmanninum, Árna Oddssyne, Guðrún nokkur Sæmundard[óttir] að séra Einar og Aldís kona hans hefðu blandað messuvínið, og það bland hefði hann útdeilt sér í sacramentinu. Það mál [var] sett fyrer biskup, herra Gísla. Anno 1638 var það messuvínsmál ei útkljáð á alþingi hvar fyrir fógetinn, Jens Söffrins[son], tilsagði séra Einari að mæta á næstkomandi alþingi anno 1639 til andsvara við Guðrúnu Sæmundardóttur. Ekki fékkst heldur neitt að því máli gjört á því alþingi. Var [hann] eftir það í Kjós og í Botni [þ.e. Botni í Hvalfirði]. Hans kona Aldís Ingimundardóttir. Þ[eirra] b[örn]: 1. Þorbjörg, giftist ekki, var seinast veislukerling í Skálholti og dó þar Anno 1711. 2. Valgerður, var á flakki.
   ↑ MINNA

Þegar Einar bjó í Botni hefur hann verið sóknarbarn séra Hallgríms.