Vísur ortar í hernum 1914

Visur ortar í hernum 1914

1. Í þeim skrýtna skólaheim
skiptir oft um liti.
Margt ber lítinn menntakeim,
margt er sagt af viti.

2. Ekki er mér af öllu not,
ótal raddir hrína,
Þar sem allra þjóðarbrot
þeyta lúðra sína.

3. Lítið vit oft hefur hátt,
heimskir blaðra og gala.
Einn ég sit og þegi þrátt
þegar aðrir tala.

4. Þegar á góðu gamni er þrot,
gleði hvergi að finna,
leik ég mér við baugabrot
bernskudaga minna.

5. Þó ég ali aldur hér
ættlands ströndum fjærri,
Ísafoldin ein er mér
öllum löndum kærri.

6. Hún á ein mitt ástarþel
og allt sem hefi að bjóða,
þó að breyti við mig vel
vesturálfan góða.