Ó, mín sál, aum ert þú | BRAGI
Bragi, óðfræðivefur

Söfn

Íslenska
Íslenska

Persónuvernd:

Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn.

Innskráning ritstjóra

Ó, mín sál, aum ert þú

Fyrsta ljóðlína:Ó, mín sál, aum ert þú
Bragarháttur:Átta línur (tvíliður+) þríkvætt:ababcdcd
Viðm.ártal:≈ 1850–0
Flokkur:Sálmar

Skýringar

Fyrir ofan þetta fyrsta ljóð Margrétar af sex hefur Jón Bergsted skrifað: „Af gnægð hjartans mælir munnurinn! Hér sjáið þér, konur og meyjar, eftirtektarverðar hugleiðingar bóndakonu M. Þ.d. á R.“*

*þ.e. Margrét Þórarinsdóttir á Reistará. 
Látið svo yðar ljós lýsa fyrir mönnum traust á guði!
Lagið: Upphef ég augu mín.

1.
Ó, mín sál, aum ert þú
í augsýn drottins hér,
æ, hugsa um það nú
á meðan tíminn er.
Af syndum illum lát,
ástunda dyggða sið,
iðrandi auðmjúk grát,
um fyrirgefning bið.
2.
Harmsfullur hugur minn
huggunar leitar sér,
hana ég fæ og finn,
frelsari minn, hjá þér!
Náð þín og hjálpin hæst
hvervetna annast mig,
það er mín unun æðst
að mega vona á þig.
3.
Brot fyrir bætti mín,
besta það huggun er,
þinn dauði og dapra pín,
drottinn, sem leiðstu hér.
Ó, hvað mjög ætti mér
umhugað vera þá
af hjarta ætíð þér,
elsku og hlýðni tjá.
4.
Guð minn, þín gæskan blíð,
gæti mín heims um láð,
fel ég mig fyrr og síð
forsjón og þinni náð.
Ævi þá endar skeið
eilífan gef þú mér
frelsarans fyrir deyð
fögnuð með sjálfum þér.