Fyrir kóngs skál *

Kóngborinn dýrðar konungur,
kóngur um aldir blessaður,
kóngborinn vernda kónginn vorn,
kóngsins drottningu, hús og börn,
kóngsins ríki og kóngsins ráð;
kónginn befel eg þinni náð
í lífi og dauða, lengd og bráð.

Tón: Drottins hægri hönd.

Kóngsins líf og lönd
lífs uppsprettan blíð,
bið eg, að blessi
bæði fyrr og síð,
gefi góðan frið,
gæfan haldist við,
hans hús umkringi
heilagt engla lið;
allt hvað hann óskar
af þér, drottinn minn,
veiti víst með sann
voldugur kraftur þinn;
hans hjarta skrýði
himnesk náð og prýði.
Kórónu dýrðar
krýndur verði um síðir.

Með sama lag.

Kóngsins lönd og líf
lífsuppsprettan blíð
blíðastri blessi
blessan* fyrr og síð,
síðast bjóði bezt,
beztu gæðin flest,
flestu so fagni
fagnaðar efni mest;
mest virðum því þann,
þann rétta guðs mann,
mannanna velferð
vel ástundar hann;
hann lifi lengi,
lengist sælu gengi,
genginn burt héðan
guðs samfagni mengi.