Eitt morgunvers

Tón: Eilíft lífið er æskilegt.

Gefi oss öllum góðan dag
guð faðir á himna trón,
allra kristinna allan hag
annist hans fyrirsjón.
Englarnir beri börnin hans
blessuð á höndum sér,
hér áfram, en til himnaranns
heim, þegar tíminn er.
Geym oss, drottinn, á brjóst og bak,
blessandi sérhvört andartak;
vert oss, ó! Jesú, öllum allt
alltíð fyrir þinn deyð;
hvört sem vér þolum heitt eða kalt,
hjúkri þín mildin greið,
hvört sem vér smökkum sætt eða salt,
sykra þú alla neyð.