Það er eins og allt öðruvísi skip

Það er eins og allt öðruvísi skip
muni koma af hafi, á vissu augnabliki.
Ekki smíðað úr stáli né logagylltir fánar þess;
enginn veit hvaðan það kemur
né hvenær;
allt er undir það búið
veislusalurinn gæti ekki verið fínni
allt er til reiðu
fyrir þessa stund sem í vændum er.
Sjávarlöðrið breiðir úr sér
eins og dýrasta ábreiða, ofin stjörnum
í fjarska blikar bláminn
og síðan græni liturinn, bylgjur úthafsins;
allt bíður.
Klettarnir hafa opnað leið
þvegnir, hreinir, eilífir
hafa þeir tekið sér stöðu í sandinum
eins og fylking af kastölum
eins og fylking af turnum.
Allt
er reiðubúið
meðal boðsgesta er þögnin
og jafnvel mennirnir, ætíð annars hugar
vilja ekki missa af ámóta viðburði;
þeir hafa klætt sig í sparifötin
gljáfægt stígvélin
greitt hárið.
Aldurinn færist yfir þá
og enn kemur ekki skipið.