Laufkofar og snjóhús

Það er ekkert tilkomumikið við
þessi stef, bara
nokkur orð, hrúgað saman
af handahófi.
Mér finnst
samt sem áður
ágætt að smíða þau, þá
er sem ég eigi mér afdrep
dálitla stund.
Mér koma í hug laufkofarnir
sem við byggðum
þegar við vorum lítil:
Krjúpa inn í þá, sitja
og hlusta á regnið,
kenna til einverunnar í skógunum,
finna dropana á nefinu
og í hárinu –
Eða snjóhúsin um jólin,
krjúpa inn og loka á eftir sér með poka,
kveikja á kerti, una þar
á köldum kvöldum.