Bragi, óðfræðivefur
SöfnÍslenskaÍslenskaPersónuvernd:
Vefurinn safnar engum upplýsingum um notendur sína. Leturgerðir eru frá Google sem skráir notkun á þeim.
Vefkökur eru aðeins notaðar til þess að halda utan um innskráningar þeirra sem annast efnisstjórn. |
Flokkar
Allt (3127)
Afmæliskvæði (14)
Annálskvæði (1)
Ádeilukveðskapur (1)
Ástarljóð (32)
Baráttukvæði (1)
Biblíuljóð (2)
Brúðkaupsljóð (9)
Bæjavísur (2)
Bænir (1)
Bænir og vers (25)
Eddukvæði (30)
Eftirmæli (41)
Ellikvæði (7)
Formannavísur (22)
Fræðsluljóð (3)
Gamankvæði (31)
Grýlukvæði (8)
Harmljóð (3)
Háðkvæði (4)
Hátíðaljóð (6)
Heilræði (10)
Heimsádeilur (8)
Helgikvæði (47)
Hestavísur (1)
Huggunarkvæði (2)
Hyllingarkvæði (2)
Jóðmæli (3)
Jólaljóð (5)
Kappakvæði (5)
Kvæði um biskupa (6)
Leppalúðakvæði (1)
Lífsspeki (5)
Ljóðabréf (18)
Matarvísur (1)
Náttúruljóð (52)
Rímur (204)
Sagnadansar (52)
Sagnakvæði (4)
Sálmar (417)
Sjóhrakningar (2)
Sorgarljóð (1)
Sónarljóð (14)
Særingar (1)
Söguljóð (13)
Tíðavísur (15)
Tregaljóð (6)
Vetrarkvæði (2)
Vikivakar (13)
Vögguljóð (5)
Ýkjukvæði (5)
Þjóðkvæði (1)
Þorrakvæði (4)
Þululjóð (5)
Þulur (2)
Ættjarðarkvæði (54)
Ævikvæði (6)
Ævintýrakvæði (3)
Nýtt ár í Jesú nafniFyrsta ljóðlína:Nýtt ár í Jesú nafni enn
Höfundur:Gunnar Pálsson
Heimild:JS 273 a 4to (IV mappa, skrifuð af séra Magnúsi Péturssyni á Höskuldsstöðum í nóvember 1756). bls.3–4
Viðm.ártal:≈ 1735–1755
Flokkur:Sálmar
Tón: Rís upp, mín sál, að nýju nú.
1. Nýtt ár í Jesú nafni ennnú uppbyrjum vér kristnir menn. Guð láti gott ár vera. Einn bið eg hann almáttugan umhyggju fyrir því bera.
2. Yngri bæði og eldri mennallir lofi þig, drottinn, senn. Þú hefur á þessu ári, Emmanúel, oss verndað vel við grandi, neyð og fári.
3. Tíminn bíður ei eftir oss,ævin hleypur sem dynji foss, en nær hún enda taki fyrir öllum hylst því dauðinn dylst dapur á sérhvörs baki.
4. Tímann, sem eitt sinn tapaður er,tekið fáum ei aftur vér, tækifærið því tökum. Nú er hin blíð- a náðartíð, nú biðjum því og vökum.
5. Árla tók drottinn oss í fang,ár hvört verndandi sérhvörs gang allt til þess yfirstendur. Daginn allan útbreiðir hann oss móti sínar hendur.
6. Ræðan hans þessi ætíð er:„Af illu látið, börn mín, hér og lærið betur að breyta.“ Þverbrotnir víst því sinnum vér síst. Soddan má blindni heita.
7. Í Jesú nafni umbótaryður Guðs djúpu miskunnar oss stórsyndugum unni. Þess biðjum vér, ó! herra hér af hjarta þig og munni.
8. Jesú, fyrir þitt nafnið nýttnáðarsamlega gef oss kvitt allt hvað þér unnum móti. Þín náðin hrein, mín elskan ein yfir þinn söfnuð fljóti.
9. Eilífi drottinn, eilíf dýrðeilíflega sé þinni skírð óþreyttri þolinmæði sem eftir oss beið en ei burt sneið ávaxtarlausa í bræði.
10. Svo hefur þú oss, herra, leitt,að háskasemd gat enginn neitt um stund ævinnar hverja, vort einkaskjól, skærasta sól, skjaldborg, vernd, hæli og verja.
11. Upp frá þessu til eilífðaruppfyllist þinnar lofgjörðar munnur vor, hjarta og hugur. Gef oss þar náð, dug til og dáð, drottinn Guð almáttugur.
12. Nafnið Jesú, vor unun og ást,athvarf blessað og hjúkrun skást um alla ævi veri. Sverð andans beitt, Guðs orðið eitt, vor eyru og hjörtu umskeri.
13. Allt tak þú oss hið illa fráen allt hið góða lát oss fá, ó! drottinn allsvaldandi! Árla og síð um allan tíð yfir oss náð þín standi.
14. Friðarhöfðinginn, frelsarinn klár,fyrir sín gjörvöll mæðu ár hvíldar ár eilíft veiti og fagnaðar blíða frelsistíð flokk þeim sem kristinn heitir.
15. Nýársgjöf vor sé nýborinn,nýkallaður og umskorinn Jesús, heill lýðs og landa. Ný náð hans blíð með nýrri tíð nýi vorn hug og anda.
16. Eilífi Guð, oss alla geymog aldrei nokkrum þinna gleym, gef hvör í dyggðum dafni. Gef blessað þú nýbyrjað nú nýtt ár í Jesú nafni. Amen. |
