A 002 - Önnur andlig vísa af holdganinni

Sálmurinn er eftir Michael Weisse (1488–1534), Adam hat uns ganz verderbet. Er hann að finna í sálmabók sem hann gaf út fyrir Bræðrasöfnuðinn í Bæheimi árið 1534. Sálmurinn er þýddur beint úr frummálinu enda finnst hann ekki í dönskum sálmabókum. Hélst sálmurinn í sálmabókum hér síðan allt til 1801. Sálmurinn setur fram trúfræðileg rök fyrir því hvers vegna Guð fæðist sem maður. Adam er táknmynd mannkynsins sem brýtur gegn vilja Guðs. Það er syndin, samhengið sem við erum öll fædd í, sbr. 2. vers,   MEIRA ↲

Sálmurinn er eftir Michael Weisse (1488–1534), Adam hat uns ganz verderbet. Er hann að finna í sálmabók sem hann gaf út fyrir Bræðrasöfnuðinn í Bæheimi árið 1534. Sálmurinn er þýddur beint úr frummálinu enda finnst hann ekki í dönskum sálmabókum. Hélst sálmurinn í sálmabókum hér síðan allt til 1801. Sálmurinn setur fram trúfræðileg rök fyrir því hvers vegna Guð fæðist sem maður. Adam er táknmynd mannkynsins sem brýtur gegn vilja Guðs. Það er syndin, samhengið sem við erum öll fædd í, sbr. 2. vers, og á valdi hennar og helvítis, sem merkir andstæðu Guðs og vilja hans. Orð Páls í 5. kafla Rómverjabréfsins liggja meðal annars til grundvallar, þar sem lögð er áhersla á að Kristur tók á sig mannlegt líf til að leysa okkur, greiða lausnargjaldið, „kvitta mannlegt kyn“, eins og segir í 4. versi. Hann leið hörmungar og neyð mannlegs lífs allt til dauða. Samt er hann sannur Guð, „en sínum guðdóm samt hélt hann“. Hann er hinn fullkomni maður, hinn nýi Adam, sem lifir í samræmi við vilja Guðs og gefur okkur hlutdeild í því. Fæðing hans er leyndardómur og sköpunarundur, eins og sköpun ljóssins og heimsins í öndverðu. Í trú fáum við höndlað þann arf Guðs ríkis sem Adam missti.

   Lagboðinn er sálmurinn Veni redemptor eða Nú kom heiðinna hjálparráð sem er fyrsti sálmur sálmabókarinnar 1589 þar sem hann er með nótum.