Eins syndugs manns játning og bænarorð

Með lag: Á þig alleina Jesú Krist
Ég aumur maður játa á mig
að jafnan á illt mig vandi,
hef eg því, Guð himneskur, þig
helst styggt með synda grandi.
Huggun því öll er horfin mér,
hjartað af angri dauðsjúkt ber,
nær hugsa um hvörnin eg fer,
hræðsla mitt brjóst sker,
mörg því mín synd og mikil er.

Ó, Guð minn, þína gef mér náð,
grátandi sálu hugga,
önd mína, líf mitt, æru og dáð
undir geym líknar skugga.
Æfinlega þér þakka eg þá,
þá stund lífi eg halda má,
hvönær sem þenki eg hér upp á
hjartað gleði mun fá,
burt er mitt horfið böl og þrá.

Leið mig, Guð, sem að þóknast þér,
þína eign lát mig vera,
allt gott þú veitir að vísu mér
vil eg þér þakkir gjöra.
Aldrei því að öndu mín
á tálar dregur miskunn þín.
Framar en gull með geislum sín,
guðlegt orð þitt skín,
hjartanu er það huggun fín.