A 051 - Hymn. Vexilla Regis

Með þessum sálmi í Sálmabók Guðbrands hefst nýr kafli í bókinni sem ber yfirskriftina:
„Út af písl og dauða herrans Kristi.
Hymnar, Sálmar og Lofsöngvar.“
Sálmurinn var einnig prentaður í sb 1619, bl. 30; grallara 1607 (í viðauka) og öllum gröllurum síðan; s-msb 1742. Lagið er í sb og grallara. Nótur fylgja sálminum í Sálmabók Guðbrands 1589. – Sálmurinn er „þýðing á latínskum hymna um píslir Krists, „Vexilla Regis prodeunt“, eftir Venantius Fortunatus [um 530– um 600/609], 8 erindi. Virðist þýðingin gerð beint eftir   MEIRA ↲

Með þessum sálmi í Sálmabók Guðbrands hefst nýr kafli í bókinni sem ber yfirskriftina:
„Út af písl og dauða herrans Kristi.
Hymnar, Sálmar og Lofsöngvar.“
Sálmurinn var einnig prentaður í sb 1619, bl. 30; grallara 1607 (í viðauka) og öllum gröllurum síðan; s-msb 1742. Lagið er í sb og grallara. Nótur fylgja sálminum í Sálmabók Guðbrands 1589. – Sálmurinn er „þýðing á latínskum hymna um píslir Krists, „Vexilla Regis prodeunt“, eftir Venantius Fortunatus [um 530– um 600/609], 8 erindi. Virðist þýðingin gerð beint eftir frumhymnanum, en erindafjöldi hans misjafn í fornum söngbókum [...] er hinn latínski hymni talinn einn af gimsteinum hins forna kaþólska kveðskapar.“ (PEÓl: „Upptök sálma og sálmalaga í Lútherskum sið á Íslandi.“ Árbók Háskóla Íslands háskólaárið 1923–1924. Fylgirit. Reykjavík 1924, bls. 85–86)
   ↑ MINNA