A 011 - A solis ortus cardine

Sálmurinn er þýðing á latneskum hymna, A solis ortus cardine, sem talinn er eftir Coelius Sedulius, biskup í Achaja á 5. öld. Á latínu var sálmurinn stafrófssálmur en svo er ekki í þýðingunni. Páll Eggert telur að sálmurinn sé þýddur beint úr latínu en ekki eftir þýðingu Lúthers, „Christum wir sollen loben schon“, eða hinni dönsku þýðingu Claus. Mortensön, „Christum vi skulle love nu“. Vera má að það sé rétt en trúlega hefur þýðandi þó haft hliðsjón af þýðingu Lúthers þar sem aðeins átta fyrstu erindin eru þýdd eins og   MEIRA ↲

Sálmurinn er þýðing á latneskum hymna, A solis ortus cardine, sem talinn er eftir Coelius Sedulius, biskup í Achaja á 5. öld. Á latínu var sálmurinn stafrófssálmur en svo er ekki í þýðingunni. Páll Eggert telur að sálmurinn sé þýddur beint úr latínu en ekki eftir þýðingu Lúthers, „Christum wir sollen loben schon“, eða hinni dönsku þýðingu Claus. Mortensön, „Christum vi skulle love nu“. Vera má að það sé rétt en trúlega hefur þýðandi þó haft hliðsjón af þýðingu Lúthers þar sem aðeins átta fyrstu erindin eru þýdd eins og hjá Lúther en í latneska frumtextanum eru erindin tuttugu og þrjú. (Sjá PEÓl: „Upptök sálma og sálmalaga í Lútherskum sið á Íslandi.“ Árbók Háskóla Íslands háskólaárið 1923–1924. Fylgirit. Reykjavík 1924, bls. 67). Marteinn biskup Einarssona hafði áður þýtt sálminn eftir þýðingu Lúthers og hefst hann svo hjá honum: „Lausnarann Krist vér lofum nú“.   ↑ MINNA