A 26 - Hymnen Christe qui lux

Sálmurinn er þýðing á latneskum hymna sem kenndur er við heilagan Ambrosíus, biskup í Milanó (d. 397), Christe qui lux es et dies. Ýmsar þýskar þýðingar eru til eftir samtímamenn Lúthers, Wolfgang Meuszlin (d. 1563), Christe, der du bist Licht und Tage, og Erasmus Albertus (d. 1553), Christ, der du bist der helle tag. Marteinn biskup Einarsson virðist hafa haft fyrir sér bæði latneska hymnann og danska þýðingu, Christe, du est baade Ljus og dag. Þýðingin finnst ekki annars staðar. Í Sálmabók 1589 eru tvær aðrar   MEIRA ↲

Sálmurinn er þýðing á latneskum hymna sem kenndur er við heilagan Ambrosíus, biskup í Milanó (d. 397), Christe qui lux es et dies. Ýmsar þýskar þýðingar eru til eftir samtímamenn Lúthers, Wolfgang Meuszlin (d. 1563), Christe, der du bist Licht und Tage, og Erasmus Albertus (d. 1553), Christ, der du bist der helle tag. Marteinn biskup Einarsson virðist hafa haft fyrir sér bæði latneska hymnann og danska þýðingu, Christe, du est baade Ljus og dag. Þýðingin finnst ekki annars staðar. Í Sálmabók 1589 eru tvær aðrar þýðingar þessa sálms. Sú fyrri, Dagur og ljós þú Drottinn ert (nr. 284) en sú síðari, Christe þú klári dagur ert kann fyrir þér dyljast ekkert (nr. 285). Er hann þar kenndur við skáldið Erasmus Albertus. Er hann síðan í sálmabókum til loka átjándu aldar. Í aldamótabókinni 1801 er sálmurinn í þýðingu séra Þorvaldar Böðvarssonar (1758–1836), Guð faðir, sem oss geymir vel, og hélst hann til 1886 er séra Valdimar Briem umorti hann og þannig er hann í Sálmabók 1972, Þú ljós og dagur, Drottinn, ert. Hann er nr. 440 í Sálmabók 2022.