Úr Tungum marga tinda sjá

Sveinn bóndi í Tungu stóð fyrir messugerð í Bræðratungukirkju - einhverjum árum fyrir aldamót - og fékk til prest, sr. Hjálmar Jónsson, upprunninn í Tunguhverfinu og IHJ, organista af húnvetnskum slóðum, sem var þá organisti Hrunamanna. Eftir messuna duttu kirkjugestir í sögur og varð hæggengt til veisluborðs í stofu, sem frúin Sveins, Sigríður Stefánsdóttir frá Skipholti, hafði útbúið kirkjugestum. En þangað inn settust fyrst Þórdís í Króki og organistinn, Ingi Heiðmar á Flúðum, tóku tal og Dísa fór að kvarta við hann um hagyrðingana þar í grenndinni sem ekki hirtu um að yrkja um heimafjöll sín - eins og t.d. Hrútfellið þetta glæsilega fjall upp á Kili. Nokkrum dögum síðar sendi organistinn henni vísuna - í pósti: