Séra Jóni er sjaldan heitt

1894, 11. árg. nr. 2

Í palladómum um alþingismenn segir:
20. Séra Jón Jónsson, þingmaðr Austr-Skaftfellinga, er maðr hár og grannr, toginleitr og fölleitr, hyggindalegr og góðmannlegr. Hann talar mjög sjaldan, og er þó vel máli farinn. Lætr mjög lítið til sín taka á þingi, og hefir þó góða hæfileika: vitsmuni í bezta lagi, fjölhæfa þekkingu, einkum í sögu og högum landsins, og auk þess er hann einkar vandaðr maðr og samvizkusamr. Enn hann mun vera nokkuð einstæðr í skoðunum sínum, og enginn flokkfylgismaðr. Mun nokkuð vera hæft í því, sem kveðið var um hann á síðasta þingi:
„Séra Jóni er sjaldan heitt,
sízt hann raskar friði,
enda sér hann ekki neitt
frá, almennu sjónarmiði„.