Kvenlýsing

Þú ert eins og fiðrildi, sem flögrar milli blóma
nær fullri krónu sums staðar, en hittir stundum tóma
og skilur eftir minningar um sól og sæla daga.

Hvar helst sem þú flögrar um iðgræn tún og engi
þér ótal kollar brosa - og þótt þú dveldir lengi -
á gulkollóttum fíflum, sem una úti í haga.

Þú ert eins og fiðrildi, sem flögrar út um geima
en fer þó vel að dvelja - og allra fegurst heima.
Og margir vildu eiga þig setta´ á prjón í safni.

En ég þér reiði rósabeð á rauðra hrossa búkum
svo réttstígum og léttstígum og fallegum og mjúkum.
Þú veist víst, hver þér býður, þótt ég veifi ekki nafni.