Ofan við brúnir

1.
Tíbráin hæðunum hossar og ásunum vaggar.
Heiðarnar brosa því gola við strái ei haggar.
Geislarnir flæða á fjöllum sem öldur að ströndum.
2.
Sólveigar flóarnir þyrstir og þakklátir drekka.
Þýtur um grasið. Það ilmar hver laut og hver brekka.
Blómvarir grænar nú opnast á ömrum og söndum.
3.
Himininn breiðir sitt bláasta lín yfir heiðum.
Birtan er ljúfust og þörfust á sjaldförnum leiðum.
Lífið er dýrast á auðnum og afréttarlöndum.