Jól ´37

Á borð er breiddur hvítur dúkur.
Jólaborð!
Á borð er raðað tertum
og smákökum.
Lúið erfiðisfólk
burstar sparifötin
treður sér í harða skó
hlýðir á útvarpsmessuna
hugsar um fjárhúsið
og vitringana
sötrar súkkulaði.

Úti messar náttúran.
Stjörnur raða sér
yfir Tröllakirkju
eins og kerti á altari.
Rauð norðurljós
minna á messuvín
- eða blóð Krists.
Í kvöld er friður á jörð.
Máninn: syfjaður kirkjugestur -
horfir á kalt helgihald
með jólasvip.