Sigling

Ég sigli um hafið með segl við hún
þeir segja það marri í borðum
og kjölurinn Heljar- ristir -rún
og reiðinn sé genginn úr skorðum.
2.
Ég stefni þangað sem stafninn snýr
og stansa ekki neitt til að venda.
Ég skessuna þekki, er á skerinu býr
þar sem skipið ætlar að lenda.

Ég stýri glaður um Svartasjó
þótt sjái ég mannlausa báta
því skipið er nýtt en skerið hró
og skal því undan láta.