Á ritstjórnarfundi

Skoðun beggja skiljum við.
Skiptum sól og vindi.
Þeir eru að suða um sjónarmið
sinn á hverjum tindi.

Ekkert vinnst. En þetta þrátt
þreytir aðeins báða.
Þeir sem gætu samið sátt
síðast öllu ráða.

Sannleikann þeim segja má
svona´ að öðrum þræði
en vaxi sennan, vopnin á
verður að bera klæði.

Þagga niður þrætuna
þarf með góðum ráðum.
Svolítið af sannleika
sé ég hjá þeim báðum.
- - -
Ósamlyndi´ er alltaf leitt.
Unnum friði´ og sáttum.
Við skulum ekki vilja neitt
en vera´ á báðum áttum.