Ágústnótt á Skeiðum

Suðurlandið sveipar friður
sveitin andar hægt og rótt.
Út við sanda er ölduniður
inn til landsins kyrrt og hljótt.


Byggðin öll til beggja handa
blómahöll af skrúði gjörð.
Um hóla, völlu, hraun og sanda
háreist fjöllin standa vörð.

Ofan vallarangan trónir
Eyjafjallajökulssvell.
Hekla allra heillar sjónir
Hestafjall og Vörðufell.
4.

Úr frjálsum, stríðum fjallaglaumi
fram á víðan ægissand
Þjórsá líður lygnum straumi
landið prýðir silfurband.
5.

Burtu neyð og bitran leiða
bera heiðistónar enn.
Hér á Skeiðum söngvar seiða
saman leiða fljóð og menn.
6.

Sólin rjóð við sæinn brennur
sendir glóð í skýin hljótt.
Yfir flóð og runna rennur
rökkurhljóða ágústnótt.