Kveðja til Kiljans

Á þessum miklu merkisdögum
sem mæta þér á sænskri grund
berst til Íslands safn af sögum
er segja margt um þennan fund
er sænska nefnin ágæt eygði
andans mann af norðurslóð
í auðmýkt hné og höfuð beygði
og heiðursmerkjum á hann tróð.
2. Landsmenn hreyknir allir urðu
er útvarpsmaður sagði frétt.
Hún vakti gleði og fáum furðu
og flestir töldu valið rétt.
Nú öfundar þig margur maður
og mundi kjósa sporin þín
firna mikið „forframaður“
fagnar heitast konan þín.

Sjálfsagt ertu sjálfur glaður
svona frægur maðurinn
prýðilega peningaður
því passlegt verða útsvörin.
Nú lætur þú gamminn geysa
og gerir fleiri stórvirkin
enda væri annað hneisa
eftir Nóbelsverðlaunin.

Laxnesskáld, þér lánast hefur
langa ævistarfið þitt.
Áreiðanlega í þér sefur
ennþá bæði þetta og hitt.
Það mér virðist helst við hæfi
mín heillaósk sem yfir bý
að landi þínu um langa ævi
ljóma sveipi verkin ný.