SöfnÍslenskaÍslenska |
Flokkar
Allt (1283)
Afmæliskvæði (11)
Ástarljóð (10)
Baráttukvæði (3)
barnagælur (1)
Biblíuljóð (3)
Brúðkaupsljóð (1)
Bænir og vers (1)
Daglegt amstur (8)
Eftirmæli (13)
Ferðavísur (3)
Formannavísur (1)
Fræðsluljóð (1)
Gamankvæði (18)
Háðkvæði (8)
Hátíðaljóð (2)
Heilræði (1)
Hestavísur (2)
Hindisvík (2)
Holtavörðuheiði (3)
Húnaþing (8)
Húnvetningar (7)
Hyllingarkvæði (4)
Jóðmæli (1)
Jólaljóð (3)
Kappakvæði (1)
Lífsspeki (2)
Ljóðabréf (6)
Náttúruljóð (48)
Oddi (1)
Rímur (1)
Sagnakvæði (1)
Sálmar (2)
Skáldsþankar (44)
Strandir (2)
Söguljóð (11)
Söngvamál (1)
Tíðavísur (1)
Tregaljóð (4)
Þululjóð (1)
Ættjarðarkvæði (15)
Ævikvæði (2)
Lýðveldisljóð 17. júní 1944 - Ávarp til FjallkonunnarFyrsta ljóðlína:Þú situr svo dýrleg á drottningarstól
Höfundur:Lúðvík Norðdal Davíðsson
Viðm.ártal:≈ 0
Tímasetning:1944
1. Þú situr svo dýrleg á drottningarstóldreymandi fögur um vordaginn langan. Þú haddinn þinn laugar í hádegissól. Heiðbjört og tígin með rósir um vangann. Og blómin sem öll við þitt brjóst eiga skjól þau brosa svo vorloftið fyllist af angan. 2. Þú breiddir út faðminn þinn feðrunum mótað frelsinu hlúði ylríkum dölum. Goðborinn kappi og gyðjum lík snót guðunum krupu á rósbögrum bölum Þau guldu þeim þökk, því að gefin var bót glataðrar tignar í konungasölum. 4. En jafnvel í fullhugum frelsisins varfalið það mein, sem að réði því bana. Á afltaugar sundrung og ófriður skar. Öfund varð máttug og hatur að vana. Svo þjóðfleyið óðum að boðunum bar - Bölið og óhöppin dýrt er að mana. 6. Stígum því allir á stokk þennan dag:Strengjum nú heit vor á þjóðhelgri stundu: Að auka vorn hróður; Að efla vorn hag Að einingu vaxa og drengsskaparlundu. Að bannfæra úlfúð og Níðhöggva nag og nöðrurnar flæma af íslenskri grundu. Athugagreinar
Á því merka ári 1944 var Lýðveldið Ísland stofnað á Þingvöllum hinn 17. júní í slagveðri, en daginn eftir voru hátíðarhöld í blíðskaparveðri um allt land. Ekki þurftu læknishjónin í Skjaldbreið að fara langt til hátíðarhalda á Eyrarbakka hinn 18. júní. Útisamkoma var skipulögð á götunni fyrir sunnan Skjaldbreið, Ásabergi og gamla pakkhúsinu er nefndist Óðinshús. Þar var komið saman að lokinni skrúðgöngu og messu. Ólafur Helgason oddviti ávarpaði samkomuna, ræður tvær voru fluttar og kirkjukórinn söng ættjarðarlög. . . . En hinn hagmælti læknir Eyrbekkinga fékk líka að njóta sín eins og segir í Þjóðviljanum er greindi frá hátíðarhöldunum á Eyrarbakka:„Lúðvíg Norðdal læknir flutti hátíðaljóð“ . . . . Hátíðaljóðið var einnig flutt á hátíðarhöldunum á Selfossi sama dag.
|